Begira egiten duen etxea. Malda handiko orubean finkatua, etxeak malda horretatik hartzen du probetxua, mailaka beherantz garatuz. Sarrera maldaren gailurrean dago kokatuta eta, beraz, zimendua den plataforma sarrerarekiko hiru metro beherago dago. Etxea bi gune ezberdinetan banatua dago, bizitza eremua alde batetik eta txokoa bestetik. Haien arteko aldea kanpotik ikus daiteke bolumen ezberdintasunen jokoarekin.